د ښكلا د څښتن ستر رب په نامه چې ښكلا ته يې د ښكلا په وركولو خپل لويښت او ښايست ثبوت كړى دى.                                                                            د خوست ويب پاڼې ته په خيرراغلي!                             ويښ يو بيدار يو څه ويده خو نه يو             جزبې لرو په ژوندون كې  څه مړه خو نه يو

د موراوپلار حقوق

b_150_100_16777215_00_images_stories_khostsite_cartoon_pen-and-paper.jpg


الله تعالى په قرآن كريم كي په مختلفو ځايونو كي له تو حيد څخه وروسته د والدينو د حقپالني امركړی دی او په نبوي احاديثو كي هم په دې هكله ډېر ټینګار شوی دی څرنګـه چي دا ناروغي زمونږ په مينځ كي ډېره پراخه او تيت شوي ده او په حقوق العباد كي د اوليت مقام لري په دې اساس دې موضوع ته هم د لوستونكيو پام را اړوم الله تعالى او دهغه رسول الله عليه وسلم هغه كسان ډېر بد معرفي كړي او په ډېر سخت الهي عذاب یې تهديد کړي دي څوك چي د والدينو اطاعت نه كوي او د هغوي نا فرماني كوي تاريخي واقعات هم په دې شاهد دي چاچي د والدينو اطاعت او خدمت كړي هغه په دنيا كي هوسا، سرلوړي او د عزت مقام ته رسيدلي دي او چاچي د هغوي دلآزاري كړي او ياد هغوي لپاره سردرد جوړ شوي او يا یي هغوي ته په سپكه كتلي اويایي هغوي ځـورولي دي هغوي په ژوند كي لالهانده بي عزته په ټـولنه كي منفور او بالآخره په ډول ډول مصيبتونو او جنوني حالت اخته شوي دي داخو پرېږده چي په آخرت كي هم له موعود دردناك عذاب سره مخ دي دا يو داسي مشكل او خطرناكه رنځ دی چي كه الله تعالى د ونكړي يوڅوك په دې رنځ اخته شي او د والدينو په ژوند د همدې مرض علاج ونكړي بيایي د هغوى له مرګ څخه وروسته علاج ډېر مشكل دى څرنګه چي دا ناروغي زمونږد موجوده عصر په ځوانانو او اولادونو كي كله ناكله په یوه اویابله بڼه ترسترګو كېږي په دې اساس دا موضوع د قرآنكريم او احاديثو له مخي څېړوالله تعالى ترڅو لوستونکي ورڅخه استفاده وکړي په قرآن عظيم الشان كي فرمایي :
 
وَوَصَّيْنَا الْإِنْسَانَ بِوَالِدَيْهِ حُسْنًا وَإِنْ جَاهَدَاكَ لِتُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا إِلَيَّ مَرْجِعُكُمْ فَأُنَبِّئُكُمْ بِمَا كُنْتُمْ تَعْمَلُونَ (8) سورة العنكبوت
 
اومونږ انسان ته دده له مور اوپلار سره د ښه سلوك اواحسان امر كړی دی او كه هغوي په تاسو فشار واچوي چي تاسي له الله تعالی سره یو داسي شریک ونیسۍ چي د هغه په هکله تاسوته څه معلومات نه وي نو مه یې منۍ ځما لورته ستاسو ټولو راتګ دی بیا به تاسو په هغه څه خبر کړم چي تاسي به په دنیا کي کولو .
 
بل ځای الله تعالى فرمايي :
 
وَاعْبُدُوا اللَّهَ وَلَا تُشْرِكُوا بِهِ شَيْئًا وَبِالْوَالِدَيْنِ إِحْسَانًا سورة النساء
 
اوتاسي دالله تعالى بندګـي كوۍ او له هغه سره په عبادت كي شريك مه نيسۍ او له مور او پلار سره احسان اوښه سلوك كوۍ
 
بل ځای الله تعالى فرمايي :
 
وَوَصَّيْنَا الْإِنْسَانَ بِوَالِدَيْهِ حَمَلَتْهُ أُمُّهُ وَهْنًا عَلَى وَهْنٍ وَفِصَالُهُ فِي عَامَيْنِ أَنِ اشْكُرْ لِي وَلِوَالِدَيْكَ إِلَيَّ الْمَصِيرُ (14) وَإِنْ جَاهَدَاكَ عَلى أَنْ تُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا وَصَاحِبْهُمَا فِي الدُّنْيَا مَعْرُوفًا وَاتَّبِعْ سَبِيلَ مَنْ أَنَابَ إِلَيَّ ثُمَّ إِلَيَّ مَرْجِعُكُمْ فَأُنَبِّئُكُمْ بِمَا كُنْتُمْ تَعْمَلُونَ (15) لقمان
 
او مونږ انسان ته د هغه دمور او پلار په متعلق امركړی دی مورهغه ستوماني سربيره په ستوماني په خيټه كي ګرزولى دى اودوه كاله هغه ته له پرله پسي شیدې وركولو څخه وروسته یي بېلوي، (ددي امرموكړی دی ) چي زما او دخپل مور اوپلار شكر ادا كړۍ ماته مو پس له مرګـه بـيرته راګـرزيدل دی او که هغوی په تاسو ددې زور واچوي چي له ماسره شریک ونیسۍ په کوم څه چي تاسي خبر نه یاست نو مه یې منۍ خو بیا هم په دنیا کي ورسره نېک سلوک کوۍ او د هغه چا پیروي کوۍ څوک چي ځما لورته رجوع کوي اخېر مو ځما خواته بېرته راتګ دی او زه به مو په هغه څه خبر کړم چي تاسو به په دنیا کي کولو.
 
بل ځای الله تعالى فرمايي :
 
وَقَضَى رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِنْدَكَ الْكِبَرَ أَحَدُهُمَا أَوْ كِلَاهُمَا فَلَا تَقُلْ لَهُمَا أُفٍّ وَلَا تَنْهَرْهُمَا وَقُلْ لَهُمَا قَوْلًا كَرِيمًا (23) وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُلْ رَبِّ ارْحَمْهُمَا كَمَا رَبَّيَانِي صَغِيرًا (24) رَبُّكُمْ أَعْلَمُ بِمَا فِي نُفُوسِكُمْ إِنْ تَكُونُوا صَالِحِينَ فَإِنَّهُ كَانَ لِلْأَوَّابِينَ غَفُورًا (25) سورة الإسراء
 
او ستا رب فيصله كړي ده چي له الله تعالی څخه پرته د بل چا عبادت مه كوۍ او له مور اوپلار سره ښه كوۍ (په تيره بيا)كله چي له هغوي څخه يو او يا دواړه د عمر لويښت ته ورسېږي نو د هغوی په مخ كي د اُف په اندازه د پريشاني او خفګان اظهارمه كوۍ او هغوۍ مه تر ټۍ او له هغوي سره نرمي او پستې خبري كوۍ اودهغوى په وړاندي دعاجزي او انكسار وزر ټیټـه وۍ او دا دعا ورته كوۍ چي اې زماربه په دوی رحم وكړې لكه څرنګه چي یي زه وړوكی پاللي وم ستاسو پروردګار په هغه څه ښه خبر دی چي ستاسي په کوګلونو کي دي که تاسو نېکان یاست نو الله تعالی دهغه خواته د رجوع کوونکیو لپاره ډېر بښونکی دی .
 
په بل ځای كي الله تعالى فرمايي :
 
وَوَصَّيْنَا الْإِنْسَانَ بِوَالِدَيْهِ إِحْسَانًا حَمَلَتْهُ أُمُّهُ كُرْهًا وَوَضَعَتْهُ كُرْهًا وَحَمْلُهُ وَفِصَالُهُ ثَلَاثُونَ شَهْرًا حَتَّى إِذَا بَلَغَ أَشُدَّهُ وَبَلَغَ أَرْبَعِينَ سَنَةً قَالَ رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَصْلِحْ لِي فِي ذُرِّيَّتِي إِنِّي تُبْتُ إِلَيْكَ وَإِنِّي مِنَ الْمُسْلِمِينَ (15) أُولَئِكَ الَّذِينَ نَتَقَبَّلُ عَنْهُمْ أَحْسَنَ مَا عَمِلُوا وَنَتَجاوَزُ عَنْ سَيِّئَاتِهِمْ فِي أَصْحَابِ الْجَنَّةِ وَعْدَ الصِّدْقِ الَّذِي كَانُوا يُوعَدُونَ (16) سورة الأحقاف
 
او مونږ انسان ته د هغه له مور او پلار سره د احسان امر كړی دی په خېټه ګرزولی دی خپلي مور په تكليف سره او زېږولي يي دی په تكليف سره اود حمل او پيو وركولو نيټه یي دوه نيم كاله (پرله پسي ستوماني) ده ترڅو چي انسان ستر شو او څلويښتو كلونو ته ورسيدلو وويل (انسان) اې زماربه ماته توفيق راكړه چي ستا د هغه نعمت شكرپه ځای كړم كوم چي تا په ما او زما په مور او پلاركړی دی او چي هغه نيك عمل وكړم كوم چي ستا خوښ وي او زما اولادونه نيكان وګرزوې زه تاته توبه كاږم او زه له مسلمانانو څخه يم ، دا هغه كسان دي چي مونږ له دوى څخه د دوی ښه عمل قبلوو او د دوی ګـناهونه وربښو دجنتيانو په ټولۍ كي دي داهغه ريښتوني وعدې دي چي له دوى سره به (په دنيا كي) كيدلې .
 
كه مور او پلارخپل اولاد په ګناه اومعصيت امركوي اطاعت به یي په معصيت كي نه كوي او له دې څخه به د بد سلوكي لپاره بهانه هم نه جوړوي په هغه علاوه به هم چي ترڅو هغوی ژوندي وي ښه سلوك ورسره كوي الله تعالى فرمايي :
 
وَإِنْ جَاهَدَاكَ عَلى أَنْ تُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا وَصَاحِبْهُمَا فِي الدُّنْيَا مَعْرُوفًا سورة لقمان
 
او كه هغوي تا په دې ګماري چي له ما سره شريك ونيسې اوته په هغه خبر نه یې نو مه یي منه او په دنيا كي ښه دخدمت اواحسان كولوملګرتيا اونيك سلوک ورسره كوه.
 
عن أنس وغيره أن النبي صلى الله عليه وسلم لما صعد المنبرقال:آمين آمين آمين قيل يارسول الله علام أمنت ؟ قال: أتاني جبريل فقال: يامحمد رغم أنف امرىء ذكرت عنده فلم يصل عليك، قل:آمين، فقلت آمين، ثم قال رغم أنف امرىء دخل عليه شهررمضان ثم خرج فلم يغفر له،قل: آمين، فقلت آمين، ثم قال: رغم أنف امرىء أدرك والديه أو أحدهما فلم يدخلاه الجنة، قل: آمين، فقلت آمين. (ابن حبان وغيره)
 
له انس رضي الله تعالى عنه او نورو اصحابو څخه روايت دی چي رسول الله صلى الله عليه وسلم منبرته پورته شو درې ځـلي یي وفرمايل آمين آمين آمين پوښتنه ځـيني وشوه په څه شي دآمين وكړ يا رسول الله؟ هغه (ص) وفرمايل : ماته جبريل عليه السلام راغی او ویې ويل چي اې محمده د هغه سړي پوزه د په خاوروسپېره شي د چا په مخ كي چي ستا نوم ياد شي او په تا درود ونه وایي ووايه آمين ما وويل آمين , بيا یي راته وويل: دهغه سړي پوزه د په خاوروشي چاته چي دروژې مياشت راغله او ووتله اودده ګـناهونه په كي ونه بښـل شول ووايه آمين ما وويل آمين بيا یي راته وويل: د هغه سړي پوزه د په خاوروشي چاچي خپل پلار اومور يو او يا دواړه ژوندي وموندل او هغوی دی جنت ته داخل نكړ ووايه آمين ما وويل آمين .
 
عن أبي هريرة، عن النبي صلى الله عليه وسلم قال رغم أنف، ثم رغم أنف ثم رغم أنف رجل أدرك والديه أحدهما أو كلاهما عند الكبر ولم يدخل الجنة. (مسند الامام أحمد)
 
له ابي هريره رضي الله تعالى عنه څخه روايت دی چي رسول الله صلى الله عليه و سلم و فرمايل : پوزه د یي په خاوروشي بيا د یي پوزه په خاوروشي بياد یي پوزه په خاوروشي كوم سړي چي خپل پلار اومور په لوى عمر كي يو او يادواړه وموندل او (د هغوى د خدمت او احسان اوښه سلوك په وجه ) جنت ته داخل نشو.
 
عن أبي هريرة قال: قال رسول الله صلى الله عليه وسلم: رغم أنف رجل ذكرت عنده فلم يصل علي، ورغم أنف رجل دخل عليه شهر رمضان فانسلخ فلم يغفر له، ورغم أنف رجل أدرك عنده أبواه الكبر، فلم يدخلاه الجنة. (سنن الترمذي وغيره)
 
له ابوهريره رضي الله تعالى عنه څخه بل روايت دی چي رسول الله صلى الله عليه و سلم وفرمايل: د هغه سړي پوزه د په خاورو شي د چا په مخكي چي زه ياد شم او په ما درود ونه وایي او د هغه سړي پوزه د په خاورو شي چاته چي د روژې مياشت راغله او دى ځيني ووتلو خو ګـناهونه یي په كي ونه بښل شول او د هغه سړي پوزه د په خاورو شي چاچي خپل مور او پلار په لوى عمر كي وموندل او هغوی دی جنت ته داخل نكړ.
 
عن معاوية بن جاهمة السلمي أن جاهمة جاء إلى النبي صلى الله عليه وسلم فقال يارسول الله أردت الغزو وجئتك أستشيرك فقال: فهل لك من أم ؟ قال نعم قال: الزمها فإن الجنة عند رجليها . (أحمد و النسائي)
 
له معاويه بن جاهمة السلمي څخه روايت دی چي دده پلار جاهمه رسول الله صلى الله عليه وسلم ته راغي او ورته ویي ويل چي زه جهاد ته ځم او له تا سره په دې هكله د مشورې لپاره راغلي يم ، رسول الله (ص) ورته وويل چي مور د شته؟ هغه وويل هو, رسول الله (ص) ورته وويل دهغي په خدمت كي پاته شه ځكه چي جنت په حقيقت كي د هغې له پښو سره دی .
 
عن المقدام بن معد يكرب عن النبي صلى الله عليه وسلم قال: إن الله يوصيكم بآبائكم إن الله يوصيكم بأمهاتكم إن الله يوصيكم بأمهاتكم إن الله يوصيكم بأمهاتكم إن الله يوصيكم بالأقرب فالأقرب. (ابن ماجة والبخاري في الادب)
 
له مقدام بن معديكرب څخه روايت دی چي رسول الله صلى الله عليه و سلم وفرمايل : په تحقيق سره الله تعالى تاسي ته د پلرونو په احسان امر كوي , په تحقيق سره الله تعالى تاسي بيا د مورانو په احسان امركوي, په تحقيق سره الله تعالى د مورانو په احسان امركوي, په تحقيق سره الله تعالى د مورانو په احسان امركوي, او بياپه تحقيق سره درجه په درجه د نژدي خپلوانو په احسان امركوي.
 
عن عبدِ الله ابن مسعودٍ ـ قال: سألتُ النبيَّ صلى الله عليه وسلم أيُّ العملِ أحبُّ إلى الله عز وجل ؟ قال: الصلاة على وقتها. قلت: ثمَ أيُّ؟ قال: ثم بِرُّ الوالدين . قلت: ثم أيُّ؟ قال: الجهادُ في سبيل الله. (البخاري ومسلم والترمذي والنسائي و غيرهم)
 
له عبدالله بن مسعود رضي الله تعالى عنه څخه روايت دی فرمایي : ما له رسول الله صلى الله عليه وسلم څخه الله تعالى ته د غوره عمل پوښتنه وكړه هغه په ځواب كي وفرمايل: لمونځ په خپل وخت باندي كول, ماوويل بيا كوم عمل الله تعالى ته غوره دى؟ دوی (ص) وفرمايل : له مور او پلار سره احسان كول, ما وويل بيا كوم عمل الله تعالى ته غوره دى؟ دوى (ص) وفرمايل: د الله تعالى په لاره كي جهاد كول..
 
عن عبد الله بن عمرو رضيَ الله عنهما قال: قال رسول الله صلى الله عليه وسلم: إن من أكبرِ الكبائر أن يَلعنَ الرجلُ والِدَيه . قيل يا رسول الله، وكيف يَلعَنُ الرجل والِدَيه؟ قال: يسُبُ الرجلُ أبا الرجل فيسبُّ أباه، ويسب أمَّه فيسب أمَّه. (البخاري ومسلم والترمذي)
 
له عبد الله بن عمرورضي الله تعالى عنهما څخه روايت دی چي رسول الله صلى االله عليه وسلم وفرمايل: په ټـولو لويو ګـناهونوكي زياته ستره ګناه خپل مور اوپلارته ښکنځل كول دي پوښتنه وشوه چي يارسول الله څرنګه به څوك خپل مور اوپلار ته ښکنځل كوي؟ رسول الله (ص) وفرمايل: يوڅوك چي د بل پلار وښکنځي هغه د ده پلار ته ښکنځل وكړي ,چي دبل مور ته ښکنځل وكړي هغه دده مور ته ښکنځل وكړي (داداسي دى لكه پخپله چي يو څوك خپل مور اوپلار ته ښکنځل كوي).
 
جاء أعرابيٌّ إلى النبيِّ صلى الله عليه وسلم فقال: يارسولَ الله ما الكبائر؟ قال: الإشراكُ بالله. قال: ثم ماذا؟ قال: ثم عقوقُ الوالِدَين. قال: ثم ماذا؟ قال: اليمينُ الغَموس. قلت: وما اليمينُ الغموس؟ قال: الذي يقتطعُ مال امرىءٍ مسلم هو فيها كاذب. (البخاري)
 
يو اعرابي رسول الله صلى الله عليه وسلم ته راغى او ورته ویي ويل چي يارسول الله سترګـناهونه كوم دي؟ رسول الله (ص) ورته وويل: له الله تعالى سره شريك نيول هغه اعرابي ورته وويل له هغه وروسته بيا بله كومه ګـناه تر ټـولو ستره ده ؟ رسول الله (ص) ورته وويل: دوالدينو عقوق يا دهغوی له اوامرو څخه سرغړونه, هغه بيا وويل له هغه وروسته بيا بله كومه ګـناه تر ټولو ستره ده ؟ رسول الله (ص) ورته وويل: د غموس قسم ، راوي وایي ما پوښتنه وكړه د غموس قسم كوم دی؟ رسول الله صلى الله عليه وسلم و فرمايل: دا هغه قسم دي چي يوڅوك د هغه په ذريعه د مسلمان مال ځان ته ووهي او ده په دروغو دا قسم كړى وي .
 
عن عبد الله بن عمر رضي الله عنهما قال قال رسول الله صلى الله عليه وسلم رضا الله في رضا الوالدين وسخط الله في سخط الوالدين. (الحاكم والبيهقي)
 
له عبدالله بن عمررضي الله تعالى عنهما څخه روايت دی چي رسول الله صلى الله عليه وسلم وفرمايل د الله تعالى خوشالي د موراو پلار په خوشالي كي ده او د الله تعالى غصه او قهر د موراو پلار په غصه كي ده .
 
يعني كه له اولاد څخه موراو پلار خوشاله وي الله تعالى به هم ځيني خوشاله وي. او له چا څخه چي مور او پلار خپه وي نو الله تعالى به هم هغه اولاد ته په قهر وي .
 
د والدينو په هكله نور هم زيات آثار او احاديث راغلي دي دلته مو په همدې اكتفاء وكړه له والدينو سره د ښه سلوك او احسان او د هغوي د اطاعت يوه ثمره په دنيا كي داهم وي چي دهغه انسان اولاد صالح , مطيع او د هغه خدمت ګـذار او فرمانبرداروي او څوك چي له والدينو څخه سركش ، عاق ، او له هغوی سره بي ادبه ، شوخ چشم ، ګستاخ او بي حياء وي د هغوي په اولاد كي هم دا خويونه هرومرو راځي ځكه چي الله تعالى بنده ته په هماغه عمل سزا وركوي كوم چي یي دی مرتكب شوی وي علماء كرام فرمایي چي:
 
الجزاء من جنس العمل
 
د عمل بدله د عمل له ذات څخه وي.
 
عن أبي هريرة رضي الله عنه قال قال رسول الله صلى الله عليه وسلم: عفوا عن نساء الناس تعف نساؤكم وبروا آبائكم تبركم أبناؤكم ومن أتاه أخوه متنصلا فليقبل ذلك منه محقا كان أو مبطلا فإن لم يفعل لم يرد على الحوض. (الحاكم و المستدرك)
 
له ابوهريره رضي الله تعالى عنه څخه روايت دی چي رسول الله صلى الله عليه وسلم وفرمايل تاسي د خلګـو له ښځـو څخه پاك لمني شۍ ستاسو ښځي به پاك لمني شي له خپلو پلرونو سره ښه سلوك او احسان كوۍ ستاسو زامن به له تاسو سره ښه سلوك او احسان كوي او چاته چي د هغه وروردهغه د خوشاله كولو لپاره راغي او عذریي وويلو د هغه عذر د قبول كړي كه په حق وي او كه په ناحق او كه یي ونه منلو د حوض كوثر اوبه به ونه څښي.
 
عن الحسن رضي الله عنه أنه سئل ما بر الوالدين قال أن تبذل لهما ما ملكت وأن تطيعهما فيما أمراك به إلا أن يكون معصية. (الاستذكار)
 
له حسن رضي الله تعالى عنه څخه يو چا پوښتنه وكړه چي له مور اوپلار سره ښه سلوك څه شي دي؟ هغه په جواب كي ورته وويل چي په خپله دارایي لاس مه ځيني نيسه اوڅه چي ستا ملكيت وي په هغه كي د تصرف واك وركړه او چي څه درته وایي هغه منه مګركه د هغوي په اطاعت كي ګناه وه بيا یي مه منه .
 
ددي موضوع په اخيركي زامنو او اولادونو ته زمونږ توصيه داده چي كه هغوي خداناكرده د والدينو په نا فرماني او سركشي اخته وي د هغوی په ژوند کي د سر له اوسه توبه وباسي د هغوي په پښو كي د ورغړي په دي كي ډېر لوی عزت دی د هغوي سختي خبري او منتونه او غصې د د خپل ځان لپاره عار او پـيغور او شرم نه ګڼي والدين د جنت كلي ګاني دي دهغوي ژوند د غنيمت وګڼي كه نه نو د هغوي له مرګه وروسته بيا ندامت او پښيماني هيڅ ګټه نلري, له هغوي سره ښه سلوك كول په دنيا او اّخرت كي د اولاد كاميابي ده هر زوي بايد ددي احساس وكړي چي هغه كه په ټـولنه كي هر څـومره مهم رول لري او كه هر څومره لوړ مقام ته رسيدلي وي بايد د والدينو په حضوركي ځان وړوكی ماشوم وګڼـي او د والدينو په مقابل كي ځان داسي كم وګڼي لكه غلام د بادار په مخكي او هم یي په حقيقت كي د هغوي په وړاندي حيثيت همداسي دی .
 
كه له يوچا څخه د والدينو په ژوند د هغوي په حق كي تقصير شوي وي او هغوي اوس مړه وي نو هم په دې شكل د هغوي حقوق په ځاي كېږي چي هغوى د هروخت ډېرپه دعا كي ياد ساتي د هغوى له خپلو خپلوانو سره او د هغوي له دوستانو او آشنايانو سره د ښه تعلقات وساتي احترام د یي كوي او احسان د ورسره كوي همدا رازد هغوی توصيې او موعظت د په دې نيت عملي كړي چي په دې كار سره الله تعالى خوشاله كېږي او كه والدين ژوندي وای په دې كار خوشاله كيدل .
 
عن ابن عمر رضي الله عنهما عن رسول الله صلى الله عليه وسلم قال إن أبر البر أن يصل الرجل أهل ود أبيه بعد أن يولي الأب. (البخاري في الأدب ومسلم وأبو داود والترمذي وابن حبان والبيهقي)
 
له عبدالله بن عمر رضي الله تعالى عنهما څخه روايت دی چي رسول الله صلى الله عليه وسلم وفرمايل: په ټولو نېكيو كي ستره نېكي داده چي سړی د خپل پلار له خپلوانو سره د هغه له مرګه وروسته تعلق او خپلوي وساتي .
 
عن أبي أسيد رضي الله عنه قال كنا عند النبي صلى الله عليه وسلم فقال رجل يا رسول الله هل بقي علي من بر أبوي شيء بعد موتهما أبرهما به قال نعم خصال أربع الدعاء لهما والاستغفار لهما وإنفاذ عهدهما وإكرام صديقهما وصلة الرحم التي لا رحم لك إلا من قبلهما. (أحمد والبخاري في الأدب وأبو داود وابن ماجة والحاكم والبيهقي)
 
له ابي اسيد رضي الله تعالى عنه څخه روايت دی چي رسول الله صلى الله عليه وسلم ته يوسړی راغي ورته ویي ويل آيا زمادموراو پلار له مرګه وروسته د هغوی په ما كوم د احسان حق شته چي هغه پوره كړم رسول الله صلى لله عليه وسلم ورته وويل چي هو څلور شيان دي موراوپلار ته به دعا كوې او له الله تعالى به مغفرت ورته غواړې اودهغوی وعدې به پوره كوې او د هغوی د دوستانو عزت به كوې اود دوی په واسطه چي څوك ستا خپلوان دي له هغوی سره به خپلوي پالې.
 
عن ابن عمر رضي الله عنهما قال جاء رجل إلى النبي صلى الله عليه وسلم فقال يا رسول الله إني أذنبت ذنبا عظيما فهل لي من توبة فقال رسول الله صلى الله عليه وسلم ألك والدان قال لا قال ألك خالة قال نعم قال فبرها إذن. (مشكاة المصابيح)
 
له ابن عمر رضي الله تعالى عنهما څخه روايت دی چي يو سړی رسول الله صلى الله عليه و سلم ته راغی او ویي ويل يارسول الله مايوه ستره ګناه كړي ده آيا زما لپاره به توبه وي؟ رسول الله صلى الله عليه و سلم ورته وويل آيا ستا مور اوپلار ژوندي دي؟ هغه وويل نه دي ژوندي, رسول الله صلى االله عليه وسلم ورته وويل آيا خاله (دمور خور) لري؟ هغه وويل هو خاله مي شته رسول الله صلى االله عليه وسلم وفرمايل په همدغه وخت كي له هغي سره احسان كوه (دا ستا لپاره د توبي د قبول ذريعه ده.)
 
 

د خوست ویب پاڼې سندریزې برخې ته ښه راغلاست

خوست ویبپاڼه په فيسبوک کې خوښ يې کړئ

اسلام او مذهب

اسلام اودښځو حقوق !

by عبدالصمد .بهير

د إمام سرخسي ژوند

by ژباړن: سيف الإِسلام إِسلامي

لنډې کېسې

د انسان د ژوند کیسه ؟

by ذ بیح الله شریفې
یو نفر په زنګله کې رووان وو چی یو ناساپه زمري ورپسی مڼډی وهلی خو دا نفر مخکی وو او زمری شاته دواړو مڼډی وهلی هم داسی په…

غبرګون / لنډه کیسه

by خوشال کونړي مزاروال
د خوشال کونړي مزاروال لیکنه جوار څڼه بمبل دي. د جومې(جمعې) شپه ده. بختوره په کور کې د ناچارې ورځې یوازې پاتې ده. مور یې…

خبرتیاوي ,غونډي او پيغامونه

فروري 19, 2016 1877

په بلجیم کې د مشاعرې خبرتیا!

by jawed ahmadzai
فروري 19, 2016 1816

دفاتحې خبرتیا !

by jawed ahmadzai

میړاني دي چې یادیږي

فروري 19, 2016 2083

مرحوم ډاکټر عبدالوکیل‏

by Shah Hussain Khuramzai
میړنی دی چی یادیږی. په افغانستان کی داسی یو واقعی خدمتګار چی ساری به یی نه وی او د ملک هر وګړی او هری کورنی ته یی تر…

دخوست کتابتون

د شعرونو برخه کې نوي او تازه شوي شعرونه

فروري 19, 2016

د پرګنو ژبې

by سمیع الدین افغاني
فروري 19, 2016

د ژوند بهیر

by سمیع الدین افغاني
فروري 09, 2016

تسلي

by ارواښاد غني خان با با
فروري 09, 2016

ژوند خو تله دي

by ارواښاد غني خان با با

راپـورونـه او مـرکې

نومبر 30, 2015 2665

دښاغلي سميع الدين افغاني سره ادبي مرکه / دمرکې لمړ ۍ برخه.

by سميع الدين افغاني
زرلښت ډاډکام-کله اوڅنګه مو په شاعري پيل وکړکه لمړنی شعرمو په يادوي هغه هم مونږ سره شريک کړئ سميع الدين افغاني : ما له…

تاریخ څه وایی

مئي 19, 2013 6870

پښتانه د ولس پیژندني له نظره

by د ارواښاد ډاکتر کبیر ستوري
(د ارواښاد ډاکتر کبیر ستوري له ناچاپه لیکنو څخه) د لیکلو نیټه: فبروري ۱۹۷۳ پښتانه په افغانستان کښې تر ټولو ستره ولسي…