د ښكلا د څښتن ستر رب په نامه چې ښكلا ته يې د ښكلا په وركولو خپل لويښت او ښايست ثبوت كړى دى.                                                                            د خوست ويب پاڼې ته په خيرراغلي!                             ويښ يو بيدار يو څه ويده خو نه يو             جزبې لرو په ژوندون كې  څه مړه خو نه يو

داسلام په رڼا کي له خپلي بي بي سره ژوند

b_150_100_16777215_00_images_stories_khostsite_01muslimwomen.jpg



 

ګرانومسلمانانو! مخکی هم دی مطلب ته اشاره وشوه چه که اسلامی لارښوونی پوره عملی شی ژوند به مو له يوی مخی دخوشحالی اونيکمرغی څخه ډک وی .

په اسلام کی له ميرمنوسره دښه سلوک کولو ذيات ټنګار شوی دی چه لاندی يی څو نمونی بيان شوی دی

ولی نن سبا چه ځنی کسان دخپلو ښځو سره بد چلن کوی دا د دوی خپله بی علمی يا په اسلام د نه عمل کولو دليل دی خو که خدای (ج) مه کړه د چا ښځه ښکاره بی ليری ته ملا وتړی نوددی لپاره هم بيا په اسلام کی دجزا اواصلاح لاری وجود لری چه په عملی کولوسره يی نور خلک هم ورڅخه عبرت اخلی .

داچه بی ځايه هيلی بانی ورته لټوی او ګناه يی هم ښکاره نه وی د ځان نه يی ورته يو بی رحمه انسان جوړکړی وی او په يوه مظلوم انسان خپل ظالمانه تمرينات تر سره کوی .

دغه ډير بد عمل د نومړی کس له ناپوهی ، ظلم ، او د خدای (ج) د دين پر وړاندی د بغاوت ترجمانی کوی اوبس . د اسلام د مقدس دين لارښوونه په لاندی څو ټکو کی وګوری !

۱ - دخپلی بی بی (ميرمنی ) سره ښه سلوک کول:

قرآنکريم د ميرمنی سره د ښه سلوک کولو امر کړی دی :

َوعاَشِروهن بالمَعروفِ فَإِن كَرِهتموهنَّ فَعَسي‌أن تَكرَهو شَـــأًوُيَجعَلَ الله فِيهِ خَِراً كَثِراً (النسا سوره)

اوله هغی سره په ښه طريقه ژوند تير کړی ، بيا که هغه ستاسی (په څه وجه ) خوښی نه وی نو کيدای شی چی يو شی ستا خوښ نه وی خو خدای ج په هغه کی (ستاسو) لپاره ډيره څه ښيګڼه ايښی وی .

نويو انسان خوبه خامخا يوه خاليګاه لری که کومه ښځه په رنګ کی کمزوری وی نوشايد بل اړخ ته يوه ډيره دينداره او نيک خويه وی چه دخپل خاوند د دنيا اوآخرت نيکبختی وګرځی .

حضرت محمد(ص) دحجة الوداع کی مسلمانانو ته داسی وفرمايل

خلکوواوری ! له ښځو سره ښه سلوک کوی ځکه هغوی له ستاسو سره دبنديانو په ډول دی هغوی سره دبد چلن هيڅ حق نلری .

البته که تاسو د دوی نه کوم غلط حرکت وليدو نو بيا د سزا په ډول خپله بستره ورڅخه بيله کړی ،يا لږ لږ يی وهلی هم شی (مګر سخت وهل نه ) بيا که ستاسو خبره ومنی نو بيا ورته بی ځايه هلی بانی مه جوړوی .

ګوری واوری ! که ستاسو پرښځو څه حقونه شته نو د هغوی پر تاسی هم څه حقونه شته

پرهغوی دستاسوداحق دی چه ستاسو بستری به هغو خلکو ته نه غوړوی کوم چه ستاسو خوښ نه وی (کوموکسانوسره چه ستاسو نه لګی هغوی سره به تعلق نه ساتی ) .

اوستاسوکورونو ته به داسی چا ته اجازه نه ورکوی چه راتګ يی ستاسو خوښ نه وی .

او واوری ! دهغوی پرتاسی داحق دی چه په ښه سلوک کولو سره دهغوی خواراک او جامو برابرول دی .

(رواه ترمزی

عن عمرواحوص جشمی رض

۲- د ميرمنی نفقه :

ميرمنی ته دخوراک اوپوښاک برابرول د ميرمنی حق اوبايد دا حق په ښه نيت اداشی .

پرميرمن يا نور اهل عيال احسان وانه چول شی چه زه تاسی ته روزی برابروم ، ستا روزی رسونکی هم خدای (ج) دی او داهل عيال دی هم خدای (ج) دی .

حضرت محمد(ص) ترټولو غوره خرڅ د خپل اهل عيال ته خرڅ کول ښودلی دی او فرمايی :

دِينَارُُ ُ اَنفَقتَه فِی سَبِيلِ اللهِ وَ دِينَارُُ ُ اَنفَقتَه فِی رَقَبَةٍ وَ دِينَارُُ ُ تَصَدَّقتَ بِه عَلی مِسكِين ٍ وَ دِينَارُُ ُ اَنفَقتَه عَلی اَهلِكَ اَعظَمُهَا اَجراً الَّذِ ي اَنفقتَه عَلی اَهلِكَ (رواه مسلم ).

په پورته حديث شريف کی د خدای (ج) په لاره کی خرڅ ، دغلام دآزادولو لپاره خرڅ او غريبانو سره د کومک لپاره خرڅ تر دغه دريو واړو خرڅونو څخه غوره خرڅ د خپل اهل عيال لپاره ښودلی دی .

۳- له ميرمنی سره په زړه سوی او مهربانی ژوند وکړی :

تر خپله وسه بايد د زړه سوی بخشش او عفوی لاره غوره شی ځکه ښځه دعقل او پوهی په اعتبار کمزوری ده نوبايد په صبر آرام او مهربانی دهغه د اصلاح کوښښ وشی .

اودغه عاجز انسان ته د يوی يوازی شوی ميلمه په سترګه وکتل شی ځکه چه دغه بی بی له خپله کور بيله دخپلی مهربانه مور له غيږی څخه ستا کور ته راغلی ده نو ته هم ورته د خپلی مهربانی غيږ وپرانيږه قرآنکريم د التغابن په سورت همدی هدف داسی اشاره کړی :

يَا أَيُّهَا الَّذِينَ آمَنُوا إِنَّ مِنْ أَزْوَاجِكُمْ وَأَوْلاَدِكُمْ عَدُوًّا لَّكُمْ فَاحْذَرُوهُمْ وَإِن تَعْفُوا وَتَصْفَحُوا وَتَغْفِرُوا فَإِنَّ اللَّهَ غَفُورٌ رَّحِيمٌ

ژباړه : ای مؤمنانو! ستاسی ځنی ميرمنی او ځنی اولادونه ستاسی دوښمنان دی نو له هغوی ځانونه وساتی او که تاسی له عفوی ،بخشش او تيريدنی څخه کار واخلی ، نويقين ولری چی الله (ج) ډير مهربان او پوره رحم لرونکی دی .

۴- له خپلی بی بی سره د دنيا څوورځی ژوند په ښو اخلاقوتير کړی :

دښواخلاق اصلی ډګر خپل کور دی ځکه ډير وخت سړی له خپلی ميرمنی سره تيروی . نويوڅوک چه پدی ډګر کی بريالی راووت نو يقيناْ چه يو د غوره اخلاقو لرونکی انسان به وی .

پدی اړه داسلام ستر پيغمبر حضرت محمد (ص) داسی فرمايی :

اَكمَلُ المُؤمِنِينَ اِيماَناً اَحسَنُهُم خُلُقاً وَخِياَرُكُم خِياركُم لِنسَآءِهِم (رواه ترمذي )

دايمان په اعتبارسره ستاسوکښی کامل ايمان والا هغه څوک دی چه دهغه اخلاق اوخوی ښه وی اوتاسی کی بهترين اوغوره هغه دی چه دخپلی ښځی سره يی سلوک ښه وی .

د ښو اخلاقو د فضيلت په اړه بل حديث شريف لاندی بيان شوی دی :

اِنَّ المُؤمِنَ لَيُدرِكُ بِحُسنِ خُلُقِه دَرَجَةَ الصَّآءِمِ القَآءِمِ (ابوداود)

مومن بنده دخپلو ښواخلاقو په ذريعه دپرله پسی هميشه روژه نيونکی عبادت کونکی نه ذياته درجه حاصلولی شی .

۵- د مسوليت درک کول او خپلی بی بی ته نيک تعليم او دينی ښوونه ورزده کول :

هر څوک دخپلوماتحتو پروړاندی مسوليت لری خوڅوک د ملک په سطحه ،څوک د ولس ،څوک دکلی او څوک دخپل کور پروړاندی مسوليت لری اود خپلو ماتحتو په اړه به ورڅخه پوښتنه کيږی

د نجات لاره دانه ده چه يواځی خپله عبادت کوه خو دميرمنی او اولاد په اړه کومه انديښنه نه لرل ، بلکی دهغه په اړه پوره مسوليت لری هم به خپله خدای (ج) عبادت کوی او هم به خپل اهل په عبادت کولو ټنګار کوی .

الله (ج) په قرآنکريم پدی اړه داسی لارښونه کوی :

وَأْمُرْ أَهْلَكَ بِالصَّلاَةِ وَاصْطَبِر ْعَلَيْهَا

ژباړه :اهل ته موپه لمانځه کولو امر کوی او خپله يی هم کوی خونور هم ډيرټکی شته ولی مهم يی دلته ذکر شول

خدای (ج) د اسلام په رڼا کی ژوند کول را په برخه کړی .

آمين يارب العلمين

انجنيرحمدالله شاکری

د خوست ویب پاڼې سندریزې برخې ته ښه راغلاست

خوست ویبپاڼه په فيسبوک کې خوښ يې کړئ

اسلام او مذهب

اسلام اودښځو حقوق !

by عبدالصمد .بهير

د إمام سرخسي ژوند

by ژباړن: سيف الإِسلام إِسلامي

لنډې کېسې

د انسان د ژوند کیسه ؟

by ذ بیح الله شریفې
یو نفر په زنګله کې رووان وو چی یو ناساپه زمري ورپسی مڼډی وهلی خو دا نفر مخکی وو او زمری شاته دواړو مڼډی وهلی هم داسی په…

غبرګون / لنډه کیسه

by خوشال کونړي مزاروال
د خوشال کونړي مزاروال لیکنه جوار څڼه بمبل دي. د جومې(جمعې) شپه ده. بختوره په کور کې د ناچارې ورځې یوازې پاتې ده. مور یې…

خبرتیاوي ,غونډي او پيغامونه

فروري 19, 2016 1431

په بلجیم کې د مشاعرې خبرتیا!

by jawed ahmadzai
فروري 19, 2016 1394

دفاتحې خبرتیا !

by jawed ahmadzai

میړاني دي چې یادیږي

فروري 19, 2016 1566

مرحوم ډاکټر عبدالوکیل‏

by Shah Hussain Khuramzai
میړنی دی چی یادیږی. په افغانستان کی داسی یو واقعی خدمتګار چی ساری به یی نه وی او د ملک هر وګړی او هری کورنی ته یی تر…

دخوست کتابتون

د شعرونو برخه کې نوي او تازه شوي شعرونه

فروري 19, 2016

د پرګنو ژبې

by سمیع الدین افغاني
فروري 19, 2016

د ژوند بهیر

by سمیع الدین افغاني
فروري 09, 2016

تسلي

by ارواښاد غني خان با با
فروري 09, 2016

ژوند خو تله دي

by ارواښاد غني خان با با

راپـورونـه او مـرکې

نومبر 30, 2015 2082

دښاغلي سميع الدين افغاني سره ادبي مرکه / دمرکې لمړ ۍ برخه.

by سميع الدين افغاني
زرلښت ډاډکام-کله اوڅنګه مو په شاعري پيل وکړکه لمړنی شعرمو په يادوي هغه هم مونږ سره شريک کړئ سميع الدين افغاني : ما له…

تاریخ څه وایی

مئي 19, 2013 6319

پښتانه د ولس پیژندني له نظره

by د ارواښاد ډاکتر کبیر ستوري
(د ارواښاد ډاکتر کبیر ستوري له ناچاپه لیکنو څخه) د لیکلو نیټه: فبروري ۱۹۷۳ پښتانه په افغانستان کښې تر ټولو ستره ولسي…