د ښكلا د څښتن ستر رب په نامه چې ښكلا ته يې د ښكلا په وركولو خپل لويښت او ښايست ثبوت كړى دى.                                                                            د خوست ويب پاڼې ته په خيرراغلي!                             ويښ يو بيدار يو څه ويده خو نه يو             جزبې لرو په ژوندون كې  څه مړه خو نه يو

ژوند وژونکي / لنډه کيسه

دستړي ژوند له ناخوالو مې زړه خوړ ،په غمونوکې ډوب خونې ته ننوتم ،پرته له سلام اوکلام په يوه کونج کې د توشکې پر څنډه کېناستم ،لاس مې په مخ راکاږه سوړ اسوېلی مې بهر ته وشاړه ،مخامخ مې وکتل،ګورم چې زما لوري ته غټې غټې راګوري اوله خندا شنه ده  ترڅو ما څه ويل هغه رامخکې شوه او ويې ويل:فکر کوم دومره سودايي شوی يې چې سترګې دې يواځې د کېناستېدو ځای وينی اويادې اوس هم په زړه کې پخوانۍ کرکه ځای لري؟
له هغې سره مې ډېر پخوا هغه وخت چې لا يې واده هم نه وو شوی سخته لفظي شخړه کړې وه ،خو اوس پوره درې کاله وروسته زموږ کورته راغلې وه ،خوزه ترې خبر نه وم کوچنيان هم ښوونځي ته تللي و ، مور يې هم په اشپز خونه کې مصروفه وه نو څوک نه و چې ددې له راتګه يې راته ويلي وای،په خورا له خجالته ډکه لهجه مې ځواب ورکړ:په دېرې بخښنې سره پخدايکه به مې هېڅ لېدلې يې او يابه مې درته فکر شوی وي.
نه لېونۍ!اوس هغه زړه نلرم چې کرکه پکې ځای شي هرڅه چې بد او خفه کوونکي وي نه مې خوښېږي، په شرمېدلې څهره مې روغبړ ورسره وکړ،له ځايه را پورته شوه په نازکو لاسونو کې يې زما دواړه لاسونه ونيول سره ويې مروړل ،خوله يې را نږدې کړه او په خفه اواز يې راته وويل دادې له ځانه څه جوړ کړي ،څه درباندې شوي،چې تا ځان په دې حال کړی دی.
مېرمن مې هم خونې ته را ننوته ،سترګې دې روښانه يې راته وويل،خوزما او دهغې خبرې يې اورېدلې وې ،دمېلمنې خور څنګ ته مې ورنږدې  شوه اودهغې دخبرو په تائيدسره يې زياته کړه:هو مدام ورته وايم چې ډېر سوچونه مه کوه ،هره لويه او وړه خبره زړه کې مه غوټه کوه خدای مکړه بل کوم مرض به در ولوېږي او څومره چې ما اورېدلي دي د شويش او فکر کولو څخه د معدې تکليف هم ډېر پيداکېږي،خو کاش ده د بل چا خبرې اورېدای،هروخت چې ورسره خبرې کوم تنها سر راته خوځوي اويا راته هو هو  او ښه ښه کوي خو کله چې خبرې خلاصي شي بيا راته وايي څه دې ويل؟
هغوی دواړو په دې خبره وخندل خوماته بيا په دفتر کې د ليدلې ويډيو هغه برخه په ذهن کې تصوير شوه چې فرخندې په له وينو ډکې خولې،څيرې ګرېوان،لوڅ سر،يبلو پښواو الوتې ويرجنه څهره  دخپل ځان د بې ګناه ثابتولو لپاره لوڅې پوڅې کولې چې د پخې خښتې يوه ډکره له يوه وحشي لاس څخه ځان خوشې کړ او دهغې د چپ غوږ په څنګ کې عصبي رشتوباندې دومره مضبوطه ولګېده چې له ځمکې څخه د پورته کېدو مجال يې ورڅخه واخست او له دې سره څو پرلپسې لغتې او لويې تختې پرې وويشتل شوي چې په همدې يې ټوله دمه ورڅخه واخسته يوآځې هسک ته يې په ايشارې سره خپله بې وسي اظهار کړه مګر په ګټه يې ونه تمامېده،دهمدې انځوريز خيال په ليدو مې اخخ او ويشش وکړل ،سرته مې څنډ ورکړ.
مېلمنې خور او مېرمن مې راته حيرانې شوې او ويې پوښتل چې دې هرڅه علت څه دی چې داسې له ځانسره بې مجاله او خشم ګين يم،نوره حوصله ماته هم نه وه راپاتې او دشهيدې فرخندې د بې رحمانه وژنې ټول حال مې ورته بيان کړچې ديوې شومې او دروغجنې دسيسې ښکار شوه،دهغې په سينه کې  پروت قران  د يوه نه سوځول شوي قران ددفاع په خاطر ووژل شو، اودهغه جرم سزا ورکړل شوه چې هغې سرته نه ورسولی.
 
اساسي برخه: لنډی کيسی

د خوست ویب پاڼې سندریزې برخې ته ښه راغلاست

خوست ویبپاڼه په فيسبوک کې خوښ يې کړئ

اسلام او مذهب

اسلام اودښځو حقوق !

by عبدالصمد .بهير

د إمام سرخسي ژوند

by ژباړن: سيف الإِسلام إِسلامي

لنډې کېسې

د انسان د ژوند کیسه ؟

by ذ بیح الله شریفې
یو نفر په زنګله کې رووان وو چی یو ناساپه زمري ورپسی مڼډی وهلی خو دا نفر مخکی وو او زمری شاته دواړو مڼډی وهلی هم داسی په…

غبرګون / لنډه کیسه

by خوشال کونړي مزاروال
د خوشال کونړي مزاروال لیکنه جوار څڼه بمبل دي. د جومې(جمعې) شپه ده. بختوره په کور کې د ناچارې ورځې یوازې پاتې ده. مور یې…

خبرتیاوي ,غونډي او پيغامونه

فروري 19, 2016 1871

په بلجیم کې د مشاعرې خبرتیا!

by jawed ahmadzai
فروري 19, 2016 1811

دفاتحې خبرتیا !

by jawed ahmadzai

میړاني دي چې یادیږي

فروري 19, 2016 2078

مرحوم ډاکټر عبدالوکیل‏

by Shah Hussain Khuramzai
میړنی دی چی یادیږی. په افغانستان کی داسی یو واقعی خدمتګار چی ساری به یی نه وی او د ملک هر وګړی او هری کورنی ته یی تر…

دخوست کتابتون

د شعرونو برخه کې نوي او تازه شوي شعرونه

فروري 19, 2016

د پرګنو ژبې

by سمیع الدین افغاني
فروري 19, 2016

د ژوند بهیر

by سمیع الدین افغاني
فروري 09, 2016

تسلي

by ارواښاد غني خان با با
فروري 09, 2016

ژوند خو تله دي

by ارواښاد غني خان با با

راپـورونـه او مـرکې

نومبر 30, 2015 2659

دښاغلي سميع الدين افغاني سره ادبي مرکه / دمرکې لمړ ۍ برخه.

by سميع الدين افغاني
زرلښت ډاډکام-کله اوڅنګه مو په شاعري پيل وکړکه لمړنی شعرمو په يادوي هغه هم مونږ سره شريک کړئ سميع الدين افغاني : ما له…

تاریخ څه وایی

مئي 19, 2013 6865

پښتانه د ولس پیژندني له نظره

by د ارواښاد ډاکتر کبیر ستوري
(د ارواښاد ډاکتر کبیر ستوري له ناچاپه لیکنو څخه) د لیکلو نیټه: فبروري ۱۹۷۳ پښتانه په افغانستان کښې تر ټولو ستره ولسي…