د ښكلا د څښتن ستر رب په نامه چې ښكلا ته يې د ښكلا په وركولو خپل لويښت او ښايست ثبوت كړى دى.                                                                            د خوست ويب پاڼې ته په خيرراغلي!                             ويښ يو بيدار يو څه ويده خو نه يو             جزبې لرو په ژوندون كې  څه مړه خو نه يو

عبدالظاهر قدير او نورو کورنيو مشرانو ته يې پرانستې ليک

b_150_100_16777215_00_images_khost-web_hand_writer.png

 

 
اسلام عليکم ورحمت الله
درنو! د پښتونولۍ شمله مو له سره ټيټه مه شه، وياړونه مو ځلانده او راڼه اوسه، ستاسې د ډېرې بوختيا له وجې له مقدمې تېرېږم او مخامخ موضوع ته ورځم.
 
زه يو کابل مېشتی ختيځوال يم، هره ورځ دندې ته دتلو پرمهال له ګڼو څلور لارو او لويو واټونو تېرېږم، خو ډېری يې د نومول شوو اشخاصو د کورنيو لخوا په عجيبو او غريبو تصويرونو ښکلي او رنګين شوي وي په ځانګړي ډول چې کله کومه ملي او يا يو د همدغو اشخاصو د نمانځنې ورځ وي.
 
د پلازمېنې ختيځه دروازه "عبدالحق څلور لاری" ليدل بيا زما په څېر د ډېری ختيځوالو د زورېدنې او کړاوو لامل ځکه وي چې نه يې په دا څو تېرو کلونو کې چا کوم تصوير بدل کړ او نه يې څوک په پلازمېنه کې د ورځنمانځې جشنونه کوي"چې تېر شو هغه هېر شو!".
 
هغه اشخاص چې د پلازمېنې ګڼې څلور لارې پرې نومول شوي شايد کورنۍ يې ژوندي او ويښ وګړي ولري؛ ځکه خو يې په مړينه هم د قدرونې هېڅ کمی نه وي او نه ترې خپله نمانځغونډه پالل هېرېږي؛ خو د مرحوم عبدالحق د پالنې او پوښتنې برخه بيا دومره خواره ده چې نه يوازې کورنۍ يې په دالویه پلازمېنه کې د هېرولو ترشاه غورځول شوی فکر لري؛ بلکې له څلور لاري يې د نورو د نمانځو لپاره د تصوير ځړولو ګټه اخيستل کېږي، زه يې بېلګه کې يو تصوير رااخلم.
 
 
 
تاسې هم لکه چې د ملت شهيد د ځان په څېر بې پوښتنې ملت ته پرېښود؟
 
دا رښتيا ده چې عبدالحق د ملت شهيد او افتخار دی، په ځانګړي ډول د پښتنو لپاره؛ خو ستاسې لخوا همدا سې بې پوښتنې پرېښودل يې تر بل هر چا ډېر زوروونکي او دردوونکي ځکه دي چې نن ستاسې دا موقف د همدغو مشرانو (عبدالحق او حاجي عبدالقدير) د برکت سيوری ګڼل کېږي، که دوی قربانۍ نه وې ورکړې او په ملي کچه نه وای پېژندل شوي، نن هېڅ چانس نه و چې تاسې به د دومره پراخ نفوذ خاوندان او اغېزښندونکې څېرې وای. 
 
هر قوم ته خپل افتخارات مهم دي، موږ هم باید پر خپل نومیالي وویاړو او تل یې یاد ژوندی وساتو، مثلاً احمد شاه مسعود خپلو خلکو او خپلې کورنۍ ته ډېر کار کړی، دوی پرې ویاړي او ښه یې ستايي هم. د شهيد عبدالحق او احمدشاه مسعود څلور لارې سره نېږدې او څنګ پر څنګ دي؛ خو په ظاهري توپير ليدو يې د سړي زړه د نهيلۍ په کړاوو ارې ارې کېږي، باور وکړه چې دا څلور لاری د يوې بې پوښتنې يتيم خانۍ بڼه لري. اخخخخخخ چې له بره سره د ملتولۍ حس راکې ژوندی وای!!! د پښتونولۍ تش په نامه راپورې مشران ډېر کله د وجداني پېغور او تانې راکولو درد پرېخی او بس.
 
دواړه سیمي د جهادي مشرانو په نامه نومول شوي؛ خو فرق یې دا دی چې د احمد شاه مسعود څلور لارې ډېر منظم، لوکس، په ګلونو پوښتل شوی، په انځورونو يې پټ، پاک، لوحه او لیکنې یې روښانه دي؛ خو برعکس عبدالحق څلور لارې یوازې یو زړه لوحه لري، چې که ډېر ورته نېږدې نه شې نو لوستلی يې هم ګران دي، یو پخوانۍ زړه پنجره لري چې نیمه جوړه او نیمه ويجاړه ده، څوک نشته چې مراقبت یې وکړي، لوحه یې نوې کړي، لږ په کې ښایسته ګلان وکري، د منار جوړولو توقع خو يې بېخي ناشونې راته ښکاري.
 
اوس پوښتنه داده چې د مسعود څلور لاري څلی ولې ودان او د عبدالحق وران او ویجاړ دی؟ داسې هم نه شي کېدای چې احمد شاه مسعود پخپل ژوند کې دا کار ځانته کړی وي، معلومه خبره ده چې د مسعود کورنۍ ا او قوم یې دا کارونه کړي دي، نو موږ ته هم پکار ده چې باید خپل افتخارات ژوندي وساتو .
 
تاسې (حاجي عبدالظاهر) چې کله په تلويزيون کې کومه سياسي موضوع تربحث لاندې نيسئ، فکر کېږي چې يو پياوړی عملي سياستوال ياست؛ خو پوهېږې چې اوسنی سياست ددغسې نوم پټو شهيدانو د ياد تازه کولو په نمانځو څرخېږي او د خپلو خلکو زړوه خپلوي. هغه خلک چې د ملت په زړونو کې ځای لري او خپل شهيد يې بولي بايد څلي او ياد ځايونه يې هم د هېرولو قرباني نه شي. 
 
د حاجي صیب دین محمد دې کور ودان وي، چې د شهید عبدالحق په اړه یې یو کتاب لیکلی، ټول مې ولوستل خوښ مې شو. 
 
یادونه: دا ليک د کوم تملق يا بل کوم غرض په موخه مه اخلئ او نه وګڼئ چې د ژبنۍ او سيمې تبعيض له مخې دې ليکل شوی وي؛ بلکې بنسټيز او زړه تلی هدف ترې د يو سالم رقابت او هېرو شوو وياړونو د ياد تازه کول دي.
 
صیام الدین پسرلی
 

د خوست ویب پاڼې سندریزې برخې ته ښه راغلاست

خوست ویبپاڼه په فيسبوک کې خوښ يې کړئ

اسلام او مذهب

اسلام اودښځو حقوق !

by عبدالصمد .بهير

د إمام سرخسي ژوند

by ژباړن: سيف الإِسلام إِسلامي

لنډې کېسې

د انسان د ژوند کیسه ؟

by ذ بیح الله شریفې
یو نفر په زنګله کې رووان وو چی یو ناساپه زمري ورپسی مڼډی وهلی خو دا نفر مخکی وو او زمری شاته دواړو مڼډی وهلی هم داسی په…

غبرګون / لنډه کیسه

by خوشال کونړي مزاروال
د خوشال کونړي مزاروال لیکنه جوار څڼه بمبل دي. د جومې(جمعې) شپه ده. بختوره په کور کې د ناچارې ورځې یوازې پاتې ده. مور یې…

خبرتیاوي ,غونډي او پيغامونه

فروري 19, 2016 1064

په بلجیم کې د مشاعرې خبرتیا!

by jawed ahmadzai
فروري 19, 2016 1067

دفاتحې خبرتیا !

by jawed ahmadzai

میړاني دي چې یادیږي

فروري 19, 2016 1188

مرحوم ډاکټر عبدالوکیل‏

by Shah Hussain Khuramzai
میړنی دی چی یادیږی. په افغانستان کی داسی یو واقعی خدمتګار چی ساری به یی نه وی او د ملک هر وګړی او هری کورنی ته یی تر…

دخوست کتابتون

د شعرونو برخه کې نوي او تازه شوي شعرونه

فروري 19, 2016

د پرګنو ژبې

by سمیع الدین افغاني
فروري 19, 2016

د ژوند بهیر

by سمیع الدین افغاني
فروري 09, 2016

تسلي

by ارواښاد غني خان با با
فروري 09, 2016

ژوند خو تله دي

by ارواښاد غني خان با با

راپـورونـه او مـرکې

نومبر 30, 2015 1678

دښاغلي سميع الدين افغاني سره ادبي مرکه / دمرکې لمړ ۍ برخه.

by سميع الدين افغاني
زرلښت ډاډکام-کله اوڅنګه مو په شاعري پيل وکړکه لمړنی شعرمو په يادوي هغه هم مونږ سره شريک کړئ سميع الدين افغاني : ما له…

تاریخ څه وایی

مئي 19, 2013 5879

پښتانه د ولس پیژندني له نظره

by د ارواښاد ډاکتر کبیر ستوري
(د ارواښاد ډاکتر کبیر ستوري له ناچاپه لیکنو څخه) د لیکلو نیټه: فبروري ۱۹۷۳ پښتانه په افغانستان کښې تر ټولو ستره ولسي…