د ښكلا د څښتن ستر رب په نامه چې ښكلا ته يې د ښكلا په وركولو خپل لويښت او ښايست ثبوت كړى دى.                                                                            د خوست ويب پاڼې ته په خيرراغلي!                             ويښ يو بيدار يو څه ويده خو نه يو             جزبې لرو په ژوندون كې  څه مړه خو نه يو

لاړ که مې نظر شي ، زه به ستا لارې ته ګورم

b_150_100_16777215_00_images_stories_khostsite_01kalam.jpg

 

لاړ که مې نظر شي  ، زه به ستا لارې ته ګورم

 د ارواښاد ډاکټر اعظم اعظم د همدې نیم بیتي پر ځمکه دا اوونۍ د ختیځ ادبي بهیر ملګرو خپل لیکلي شعرونه واورول او د نوموړي یاد يې د یوې پرتمینې غونډې د جوړولو په ترڅ کې تازه کړ.

  غونډه د ( ۱۳۹۱) کال د (لیندۍ) میاشتې په (۲۵) مه نېټه د جلال اباد ښار د میدوتیک په انګړ کې د جمعې په مبارکه ورځ سهار نهه بجې پیل او تر غرمې ناوخته يې دوام وکړ.

 پرانیسته يې محمود خزان د قران پاک د څو مبارکو ایاتونو پرتلاوت وکړه، د دریځ چارې عرفان الله بیدار سره وې او ګزارش ایمل مړوند لیکه.

 د خدای بښلي اعظم صیب یاد راسره دروند استاد محمد اصف صمیم او ګڼو نورو استادانو او فرهنګیانو تازه کړ.

 د تېرې اوونۍ د ګزارش تر اوریدلو وروسته ملګرو ګزارش خوښ کړ ، او استاد داود وفا دریځ ته پورته شو چې د ارواښاد اعظم اعظم د ژوند او پښتو ژبې لپاره يې د نوموړي پر کړیو خدمتونو خبرې وکړې.

 استاد وفا ډاکتر اعظم یو نه هېرودونکی انسان یاد کړ. وېې ویل اعظم د پښتو او پښتنو لپاره داسې ډېر څه په میراث کې پرېښودل، چې تل به يې یاد پرې تازه او تود وي.

 بازمحمد عابد بیا د نورالبشیر نوید کالم ولوستلو، چې د ډاکټر اعظم اعظم د مرګ په ویر کې يې لیکلی و یوه برخه يې داسې وه:

 ((د پښتو نامتو شاعر، افسانه او ډرامه لیکونکي د ژوند د ناکراره شوګيرو نه سترګې پټې کړې. شپاړسم د نومبر و چې ورپسې د مازيګر ماښام تر منځ د مرګ بلنه راغله او لاړ د خداى مېلمه شو.

 د نومبر پر ۱۷ مه د پېښور نه د واده د جنج په څېر رځړو چارسدې پلرنۍ هدېرې ته یوړل شو او د خدای دغه مېلمه خاورې ته وسپارلى شو. په دغه وخت کې ډاکټر اعظم په پټو سترګو د خپل شعر هنداره وه!

 لاړ کهٴ مې نظر شي، زهٴ به ستا لارې ته ګورمه

را دې شي اجل خو، د وفا لارې ته ګورمه ))

 

 د نور البشر نوید د کالم په یوه بله برخه کې راغلي  وو :

 ((ډاکټر محمد اعظم په هغه لږو کسانو کې يو تن و چې د ژوند په اولنۍ تجربه کې کامياب شو او د خپلو کاميابو تجربو يو نښه یې په پښتو کې پرېښوده.

 ارواښاد يو ښه تکړه شاعر، افسانه ليکونکى او ډرامه ليکوال و، طنز او ټوکې یې د سنجيده مزاج يو بل اړخ و!

 يو انسان او په هغهٴ کې دومره ډېر استعدادونه!

 يو سړى او په کې دومره ډېر ښه والی!

 يو فنکار او په هغهٴ کې ډېر زيات کردارونه!))

تر عابد ورسته دروند استاد محمد اصف صیم دریځ ته پورته شو او د ډاکټر اعظم اعظم د ژوند او فن په اړه يې خبرې وکړې،  او وې ویل ((ډاکتر اعظم اعظم يې په لومړي ځل په لار کې لیدلی و، په لاره مجله کې يې به یې شعرونه خپریدل.  د استاد په وینا اعظم په سرکې د غزل شاعر و، خو نور نومونه يې بیا ورسته پیدا کړل.))

 استاد صمیم د اعظم اعظم د ډارمه لیکنې په فن او هنر هم وګړیدو او هغه يې د پښتو ژبې یو پیاوړی ډارمه لیکونکی یاد کړ .

 استاد د بهیروالو نه هم مننه وکړه، چې د داسې یو کس یاد سره تازه کوي، چې دلته هېڅوک نه لري او بې څوکه دی.

 هغه د داسې غونډو جوړول، د ادب او فرهنګ لپاره یو لوی کار یاد کړ او د ځوانانو د هڅوونې لپاره يې هم یو نیک کار یاد کړ.

استاد صمیم  وویل: (( ډېر د خوشالۍ ځای دی، چې نن سبا موږ خدای دومره کړو، چې مړي او ژوندي دواړه نمانځو. تېره اونۍ د یارمحمد کوچي په ویاړ سره راټول شوي وو او دا دی نن د پښتو د یو بل نه هیرودنکي انسان په یاد سره یو ځای ناسته یو .))

 استاد د تکړه انځورګر حمیدالله ارباب نه هم مننه او ستاینه وکړه، چې د اروښاد ډاکتر اعظم اعظم انځورونه يې په خپلو هنرمندو لاسونو جوړ کړي وو او د غونډې په ځای کې يې پر دېوالونو زړولي و.

تر ویناوو وروسته دغو راغلو  ښاغلو شاعرانو د ارواښاد د غزل پر لیکه خپل شعرونه وویل:

 

محمود خزان، عبدالهادي دریځ، عزت الله ځواب، خالد ټکان، حضرت یوسف یوسفزي، ډاکتر بشیر احمد پرهر، احمد جمال جمال، احسان الله افکار، ایمل مړوند، رحمت الله زیارمل، ضیاالدین همت مل، بازمحمد عابد، امین الله ملاخېل، شکرالله قلندري، استاد غلام سرور حقیار، حاجي مطيع الله مراد، ناصر مومند، فهیم رحمیزي، اخلاص وطن یار، صداقت غورځنګ، داود عربزي، انجینر زیارمل سوکال،ا نجینر ستانه میر زهیر شینواری، استاد شېر حسن کمالزی، عبدالعزیز شجاع، دوست محمد دوست، شفیق الله مصور، جلال الدین جمال او حضرت الله لمرین.

 د یادو شوو کسانو سربېره یو شمېر شاعرانو ملګرو له  بهر څخه هم د ارواښاد اعظم پر لیکه خپل لیکلي غزلونه د برېښنالیک له لارې راستولې وو.

 د غونډې په پای کې د تکړه انځور جوړونکي حمیدالله ارباب په لاس جوړ شوي انځورونه چې د میديوتیک په انګړ کې نندارې ته ایښودل شوي وو، د بهیروالو لخوا ننداره شول.

 د راتلونکې اوونۍ لپاره د بختیار ساحل غزل د کرکتنې لپاره وټاکل شو.

 غونډه غرمه ناوخته پای ته ورسېده.

رپورټر    ایمل مړوند

 

د خوست ویب پاڼې سندریزې برخې ته ښه راغلاست

خوست ویبپاڼه په فيسبوک کې خوښ يې کړئ

اسلام او مذهب

اسلام اودښځو حقوق !

by عبدالصمد .بهير

د إمام سرخسي ژوند

by ژباړن: سيف الإِسلام إِسلامي

لنډې کېسې

د انسان د ژوند کیسه ؟

by ذ بیح الله شریفې
یو نفر په زنګله کې رووان وو چی یو ناساپه زمري ورپسی مڼډی وهلی خو دا نفر مخکی وو او زمری شاته دواړو مڼډی وهلی هم داسی په…

غبرګون / لنډه کیسه

by خوشال کونړي مزاروال
د خوشال کونړي مزاروال لیکنه جوار څڼه بمبل دي. د جومې(جمعې) شپه ده. بختوره په کور کې د ناچارې ورځې یوازې پاتې ده. مور یې…

خبرتیاوي ,غونډي او پيغامونه

فروري 19, 2016 1335

په بلجیم کې د مشاعرې خبرتیا!

by jawed ahmadzai
فروري 19, 2016 1326

دفاتحې خبرتیا !

by jawed ahmadzai

میړاني دي چې یادیږي

فروري 19, 2016 1472

مرحوم ډاکټر عبدالوکیل‏

by Shah Hussain Khuramzai
میړنی دی چی یادیږی. په افغانستان کی داسی یو واقعی خدمتګار چی ساری به یی نه وی او د ملک هر وګړی او هری کورنی ته یی تر…

دخوست کتابتون

د شعرونو برخه کې نوي او تازه شوي شعرونه

فروري 19, 2016

د پرګنو ژبې

by سمیع الدین افغاني
فروري 19, 2016

د ژوند بهیر

by سمیع الدین افغاني
فروري 09, 2016

تسلي

by ارواښاد غني خان با با
فروري 09, 2016

ژوند خو تله دي

by ارواښاد غني خان با با

راپـورونـه او مـرکې

نومبر 30, 2015 2002

دښاغلي سميع الدين افغاني سره ادبي مرکه / دمرکې لمړ ۍ برخه.

by سميع الدين افغاني
زرلښت ډاډکام-کله اوڅنګه مو په شاعري پيل وکړکه لمړنی شعرمو په يادوي هغه هم مونږ سره شريک کړئ سميع الدين افغاني : ما له…

تاریخ څه وایی

مئي 19, 2013 6225

پښتانه د ولس پیژندني له نظره

by د ارواښاد ډاکتر کبیر ستوري
(د ارواښاد ډاکتر کبیر ستوري له ناچاپه لیکنو څخه) د لیکلو نیټه: فبروري ۱۹۷۳ پښتانه په افغانستان کښې تر ټولو ستره ولسي…